Brandur er júst liðugur at draga, Janus Sørensen, skipari sigur, at teir hava um 9.000 pund á 40 stampum, stóra helvtin er toskur. Tá eg spyrjið um fiskin, sigur Janus, at tað er eitt sindur misjavnt. Sumt av toskinum er væl fyri og sumt minni væl. Tað sama er galdandi fyri hýsuna. Spyrjið so um tað sama er galdandi norðanfyri. Í dag hava teir verið sunnanfyri. Ja, tað kanst tú kanska siga, men eg haldi at tað er ymiskt, tað er ikki hvønn dag at vit síggja fisk, sum er í rakara lagið.

Anru, fyrrv. Grindafossur, hevur eisini verið sunnanfyri. Gundur Sørensen, skipari sigur, at teir settu 31 stampar í morgun og hava um 8.000 pund, størra helvtin er toskur. Anru var á Norðdepli í dag um trýtíðina og ætlar avstað aftur nú kl. 18.