Returvatnið frá sjóhitaskipanini er munin kaldari, tá ið tað rennur frá hitaskipanini, og er tá stutt til tað frystir. Tí er lætt við teirri tøkni, sum er í sjóhitaskipanini, eisini at kunna fyrsta.

Við hesi tøkni, sum tá ikki krevur nógva orku, tí vatnið er so kalt, verða rør nú løgd á eitt øki við íbúðirnar á Biskupstorgi, sum verður um 380 m2 og skal her verða skoytubreyt, sum eftir ætlan verður tikin í nýtslu fyrst í desember.

Í gjár varð bjálving løgd út og síðani eitt avrættingslag við serligum skervi, sum rør nú verða løgd í, ið skal frysta vatnið, sum verður fylt á økið, ið síðani er skoytubreytin.

Hetta er ein spennandi verkætlan, ið vegna sjóhitaskipanina, sum liggur í økinum – og sum íbúðirnar á Biskupstorgi eru upphitaðar við – ikki er so umhvørvisliga dálkandi og heldur ikki kostnaðarmikil í rakstri.