25 ára gamli Abubakar Ibrahim Aliyu úr Nigeria hevur gjørt sáttmála við KÍ. Talan er um álopsleikara, sum eins og Odmar Færø og Ole Erik Midtskogen kemur úr norska felagnum HamKam í næstbestu norsku deildini, har hansara sáttmáli nú gongur út.

Farna kappingarár spældi hann 1479 minuttir, skoraði tvey mál og legði upp til trý mál. Fyri tað mesta hevur hann spælt sum álopsleikari, men einstakar dystir hevur hann eisini sum kantur. Hann hevur spælt í næstbestu norsku deildini síðstu trý árini. Annars kann nevnast, at afturi í 2014 spældi hann fimm landsdystir fyri Nigeria og skoraði eitt mál, ið kann síggjast niðanfyri. Dagført kl. 16.00: Talan var um CHAN endaspæl í Afrika, sum umfatar einans leikarar í heimligu kappingini. 

Sáttmálin er galdandi fyri 2020 og 2021.