Lýsing
Lýsing
Steffan K. Poulsen, løgtingsmaður fyri Miðflokkin avmyndaður á veljarafundinum á Fossanesi undan løgtingsvalinum fyrr í ár. Steffan varð valdur á ting og situr í samgongu. Higartil hevur hann spurt tvær ferðir í Løgtinginum um Tunlar Norður um Fjall. Hann er 17. maðurin í samgonguni og kann avgerða hvussu leingi bíðast skal. | Mynd: Oliver Joensen

Tunlarnir Norður um Fjall bíða til 2021

SKRIVAÐ: Jóhann Lützen  |  10.12.2019 - 08:31 Leiðarin Politikkur

Eftir at verða spurdur um tað fleiri ferðir, er fíggjarmálaráðharrin nú loksins komin við eini niðurstøðu. Tunlarnir Norður um Fjall mugu bíða, til koyrandi er til Hvalbiar, og tað verður ikki fyrrenn í 2021.

Í seinasta valskeiði tóktust teir at hava nógvan skund, men nú er vent í holuni. Tað er ikki heilt greitt, hvør orsøkin er, men ein orsøk er søgd at vera, at samgongan ikki hevur neyðugu fíggingina nú. Fleiri hundrað milliónir skulu brúkast til virksemi, sum undanfarna samgonga hevur sett í gongd, sigur fíggjarmálaráðharrin.

Sostatt biður samgongan nú um, at fólkið Eystan Múla, hvørs tolni er roynt og strekt til tað ítarsta, skal bíða enn longri. Ikki er greitt enn, hvørjar reaktiónir hetta fer at fáa, men tað fer uttan iva at vísa seg í næstum. Í øllum førum kann staðfestast, at hetta er eitt vónbrot fyri øll tey mongu hundrað, sum dagliga brúka tunlarnar.

Í undanfarna valskeiði legði samgongan, sum tá var andstøða, uppskot fram um at lata P/F Norðoyatunnilin fíggja tunlarnar Norður um Fjall. Spurningurin er so, um núverandi andstøða, sum tá var samgonga, fer at leggja sama uppskot fram nú. Hendir tað, fer hon at leggja eitt uppskot fram, sum hon sjálv hevur felt, og so kann tað henda, at uppskotsstillararnir tá fella tað nú.

Sambært verandi ætlan skal Hvalbiartunnilin takast í nýtslu fyrsta kvartal í 2021, og tá kann so farast í gongd við tunlarnar Norður um Fjall. Ætlanin hjá samgonguni hevur verið at framskunda hetta, men nú kann so staðfestast, at tað hevur ikki eydnast.

Lýsing
Seinastu tíðindini
Meðan vit bíða eftir Janus
Veðrið á páskum
Fantastiskt Requiem í Varpinum skírisdag
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…