- Eg ynskti at gera ein hugnaligan jólagarð, sum kann hjálpa fólki at koma í rættan jólahýr. Havin er sera hugnaligur, við alskyns urtagarðslist og einari rúgvu av jólatrøum við ljósum á, sigur Anette Sonne, sum hevur prýtt garðin.

Jólagarðurin liggur beint niðanfyri Hotel Runavík og framvið høvuðsvegnum, so lætt er at seta bilin og fara ein gongutúr gjøgnum havan.

- Inni í havanum hava vit sett smá hús upp. Í einum húsið kann ein síggja verkstaðin hjá jólamanninum, meðan eitt annað hús er prýtt við enskum lakresi. Vit hava eisini eftirgjørt eitt barnakamar frá 1950, greiðir Anette frá.

Framsýningin kann síggjast fram til 13. januar 2020, og bjóða fyriskiparnir øllum vælkomin ein túr í Jólagarðin.