Rebekka vann bronsu í DM innandura
Um vikuskiftið hevur Rebekka Fuglø luttikið í DM innandura í Odense
Um vikuskiftið hevur Rebekka Fuglø luttikið í DM innandura í Odense Atletik Hal. Hon luttók í 800m, 1.500m og 3.000m.
Leygardagin var hon við í 1.500m, og har rann hon seg til eitt flott bronsuheiðursmerki. Í eini taktiskari renning bleiv tíðin 4.36,96 min. sum er eini 10 sekund frá hennara bestu tíð á teininum, sum hon rann í júst somu kapping í fjør, har tað eisini bleiv til bronsuheiðursmerki. Fremsta kvinna hesuferð bleiv, Emma K. Kondrup, sum vann við 4.34,97 min., meðan silvurvinnarin Josefine Rytter brúkti 4.35,95 um teir 1.500m metrarnar.
Sunnudagin var hon fyrst við í finaluni í 800m har tað bleiv til sættapláss við 2.17,98 min. og bert hálvan tíma seinni bleiv tað eisini til eitt sættapláss í 3.000m finaluni við 10.38,14 min.