Í viðmerking til Norðlýsið, sigur borgarstjórin, at øll tey russisku skipini eru vælkomin til Klaksvíkar, og at tað als einki hald er í, at vit ikki vilja hava nakað rusiskt skip til Klaksvíkar.

- Fyri at eingin misskilijing skal vera, so havi eg í morgun tosað við stjóran á Faroe Ship, Boga Nielsen, og gjørt púra greitt, at skipini eru vælkomin til Klaksvíkar. Her er óivað talan um eina misskiljing, men sum nú er beind av vegnum.

- Tað, sum vit hava sagt, er, at tá skipini Karelia, Yantarnyy, Arctica og Pavel Kutakhov í framtíðini koma til Klaksvíkar Havn, skulu hesi skip, um tað á nakran hátt er gjørligt, liggja á oljuhavnini við Grótrætt. Vit eru væl vitandi um, at tað ikki altíð er møguligt, og tí er eisini møguligt at leggja hesi skip í Norðhavnini, um tørvur er á tí, sigur Jógvan Skorheim, borgarstjóri.

Nógv vinnuligt virksemi er í løtuni á oljukajini, har millum annað Bakkafrost hevur fingið øki frá kommununi til nýggja landstøð og bátahyl, og eisini fer Kanjon undir at gera pirin í stand aftur, upplýsur borgarstjórin, og tí fara russisku skipini í størri mun at liggja á Norðhavnini.