Lýsing
Lýsing

Lokal matsøla við bátabrúgvarnar

SKRIVAÐ: Annika S. Biskopstø  |  30.04.2020 - 16:10 Mentan Myndarøð Tíðindi Vinna

Sum nakað nýtt fer Klaksvíkar Kommuna í holt við eina roynd at skapa eitt stað, har lokalir matframleiðarar hava møguleikan at selja sínar matvørur. Tað er umhvørvisátakið Slóða fyri, sum stendur handan hesi verkætlan.

Klaksvíkar Kommuna eigur tríggjar smáttur, sum hóska seg væl til at standa og selja úr. Í mai mánaði koma smátturnar at standa við bátabrúgvarnar og FK, og møguleiki verður fyri at selja og keypa frískan og dygdargóðan mat í býnum.

Í ár ber ikki til at skipa fyri umhvørvisvikuni, og tískil hava fyrireikarnir valt ein annan leist, har tilber at fylgja almennu tilráðingunum í sambandi við Korona.

Lokalt framleiddur matur gagnar umhvørvinum, tí maturin hevur ikki ferðast langa leið. Somuleiðis vísir tað seg, at vit virða matin meira, tá vit vita, hvar maturin kemur frá, og oyðsla minni. Eisini verða vit meira sjálvbjargin av at hava lokala framleiðslu. Alt hetta er í samsvari við heimsmál nummar 12, sum snýr seg um ábyrgdarfulla nýtslu og framleiðslu, siga fyrireikarnir.

Øll sum ynskja at selja sjálvframleiddan ella veiddan mat, eru vælkomin at venda sær til fyrireikarnir Gunnhild Dahl Niclasen ella Anniku S. Biskopstø. Ætlanin er at hava opið fríggja- og leygardagar í mai mánaði. Fríggjadag kl. 15 til 18 og leygardag kl. 10 til 13.

Fyrsta smáttan letur upp leygardagin 2.mai, tá tunnilsdagur eisini er. Tað er útistovugarðurin á Trøllanesi, sum kemur at selja tann dagin og tilber at keypa ræst kálvakjøt, dunnu egg, rullupyslu, kjøtpylsu og vínrabarbu súltutoy. Øll vøra er føroyskt og vistfrøðilig.

 

 

Lýsing
Seinastu tíðindini
Føroya vakrasta hálvmaraton 2020 verður
Gloym okkum ikki heilt
Johan Dahl er løntur av Huawei 
Væl skipaður ferðafólka­flutningur
Týdningu­rin av siðvenjum í modernaða sam…
Floksmannadagar í Hattarvík - eitt uppli…
Lions nýggjan forseta
SamFelagið havt aðalfund
Núpur landar á Kósini í morgun
Norðlýsið í summar
Ægir: Hægstu stigatøl á FM 2020
Signhild Joensen ársins svimjari
Fleiri ungir línumenn við Havbúgvanum
Sigursgongdin hjá KÍ kvinnunum heldur áf…
Gloymið Bústaðir! Latið kommunur­nar bygg…
Áki Mørk: Vónirnar eru góðar hjá styrktu…
Jofridt Jensen úr Fuglafirði níti ár 6.…
Corona: Ein tilburður staðfestur
KÍ vendi aftur øllum og vann
Vitja 5 fjallatoppar og vinn