Høvið var, at Mjølnir í hesum kappingarárinum hava vunnið:
• Føroyameistaraheitið – Kvinnur
• Føroyameistaraheitið – Menn
• Steypafinaluna – Menn

Vegna Klaksvíkar býráð ynskti borgarstjórin til lukku við vøkru heitunum og takkaði fyri mangar góðu løtur, Mjølnir hevur veitt býi okkara millum ár og dag við teirra frálíka spæli.

Signhild V. Johannesen handaði teimum blómutyssi og eina gávu, samstundis sum hon ynskti Mjølnir til lukku við heiðrunum.

Eisini spældi og sang Rani Nolsøe nøkur løg, og boðið varð til ein kaffimunn.