Lýsing
Lýsing
Lýsing
Mynd: Ólavur Frederiksen

H-bygningurin yvirhálar Glasir í prísi

SKRIVAÐ: Jóhann Lützen  |  12.05.2020 - 19:58 Leiðarin Politikkur

Í dag samtykti Løgtingið einmælt at hækka játtanina til H-bygningin á Landssjúkrahúsinum við smáum 153 milliónum. Frammanundan kostaði bygningurin 652,6 milliónir, og við hesum kemur hann sostatt upp á 805,3 milliónir. Eftir øllum at døma gerst hann harvið dýrari enn hin stóra byggiverkætlanin í miðstaðarøkinum, sum tað vit vita enn ikki er farin upp um 800 milliónir.

Uppskotið, ið varð samtykt, æt uppskot um at “høvuðsumvæla, útbyggja og nútíðargera Landssjúkrahúsið”, og øll tey 27 tingfólkini, sum vóru í salinum, atkvøddu fyri meirjáttanini. Eftir ætlan skuldu tær báðar stóru verkætlanirnar í Tórshavn, Glasir og H-bygningurin, kosta beint omanfyri eina milliard krónur, men nú tað byrjar at avtorna, er greitt, at hendan upphæddin verður í minsta lagi 1,6 milliard – umleið 800 milliónir fyri hvørja.

Har eru fleiri orsakir til, at bygningurin er vorðin so nógv dýrari enn ætlað, og ein teirra var, at í upprunaligu verkætlanini varð hædd ikki tikin fyri, at H-bygningurin skuldi bindast í restina av Landssjúkrahúsinum.

Tað varð ikki heilt uttan svørðslag, at meirjáttanin fekst, og til 2. viðgerð varð “bert” samtykt at játta eina meirjáttan, ið gjørdi samlaða kostnaðin til 799,5 milliónir, tað vil siga 5,8 milliónir minni, enn Landsstýrið bað um. Men í kvøld visti Dagur og Vika so at siga, at tey 27 tingfólkini høvdu samtykt at játta allar tær knapt 153 milliónirnar, sum biðið varð um.

Í dokumentarsendingini um Glasir, sum Kringvarpið sendi í fjør summar, kom fram, at Glasir inntil tá hevði kostað tí almenna 744,5 milliónir, og tá er ventilatiónsskipanin ikki liðug; orkuskipanin, sum undanfarni mentamálaráðharri broytti í 2016, var heldur ikki liðug; og bygningurin hevur eiheldur fingið endaliga nýtsluloyvi. Tá hetta er komið uppá afturat, er hugsandi, at rokningin fyri Glasir eisini verður omanfyri 800 milliónir, men tað vit vita í løtuni, er H-bygningurin við eykajáttanini í dag vorðin landsins dýrasti bygningur.

Lýsing
Seinastu tíðindini
KÍ vann 3-0 á EB/­Streym
Vága Floghavn: 20 fólk uppsøgd
Nýggir vinnukavarar
Jóannes í Miðstovuni 70
Tilmelding til rundvísing á Skúlatrøð
Gott fótbóltsveður í kvøld
Býráðsfundur í kvøld
Húsið-Festivalu­rin nærkast
Norðoya Tjóðveldis­felag aðal- og 1. upps…
Handils­felagið: Langur leygardagur
Upptakt: KÍ-EB/­Streymur
KBI yvirtekur akkumulatorvirkið Pólar
Ognarhagin í Árnafirði hagafund
Masterskeið í námsfrøðiligari leiðslu
Skúla­bygningu­rin liðugur og klárur at ta…
Andstøðan vil hava løgmann og Jenis í sa…
Virðiligari umstøður til fólk við ADHD
Hendrik Egholm gevst á Magn
Hvussu fær Klaksvík størri lut í fólkavø…
Lokal matfram­leiðsla - ein slóð inn í fr…