Í fyrsta umfari taptu bæði TB og KÍ. Tó ikki so óvæntað, um vit hugdu eftir tippingunum í Norðlýsinum frammanundan. Men tað økir trýstið á liðini til hetta umfarið, tí taparin endar á 0 stigum fyri tvey umfør. Hjá TB er Poul Ingason skaddur, meðan Jesper Brinck er ivamálið hjá KÍ. Hjá KÍ er støðan óbroytt hjá Óla Ey. Poulsen, ið er skaddur, og Abubakar Ibrahim Aliyu, ið ikki er komin til landið. Jákup B. Andreasen og Páll A. Klettskarð, ið hava drigist við skaðar, væntast at vera tøkir.

Dysturin við Stórá byrjar k. 14.00. Dómari verður Eiler Rasmussen.