Seinastu tíðina hevur 8.a arbeitt við blaðgrein sum tekstaslag. Hugt hevur verið eftir føroysku bløðunum, hvat tey skriva um, hvussu greinirnar eru settar upp, um ymisk sløg av yvirskriftum o.a.

Í dag greiddi Jóhann Lützen, stjóri á Norðlýsinum, frá um søguna og virksemi hjá lokalmiðilinum í Norðoyggjum. Á Norðlýsinum arbeiða fýra fólk í fullum starvi og onnur í niðursettari tíð og nøkur sum fríyrkisfólk. Hvørt ár eru eisini næmingar úr fólka- og miðnámsskúlunum í starvsvenjing á Norðlýsinum. So, hvør veit, um ikki onkur av okkum fer at sleppa her í starvsvenjing. 

Vit vilja við hesum takka Norðlýsinum fyri áhugaverda vitjan og vilja heita á allar føroyingar at lesa Norðlýsið.