Tunnilin ein veruleiki
Nú menn frá Tjóðsavninum hava gjørt lendiskanningar Uppi á Grundum í Gerðum er komið fram, at møguleiki er at fara inn við tunnilinum í Gerðabø.
Lítið hevur verið at hoyrt um TNF síðani Korona farsóttin breyt út. Í seinastu útgávu av Norðlýsinum hevði Oliver Joensen áhugaverda grein har møguligur tunnil ígjøgnum Kjølin varð nevndur. Hesin tunnil skal vera farvegurin hjá teimum Norðanfyri Fjall og hjá øðrum, ið vilja vitja tann vegin.
Norðlýsið hevur vent sær til Jákup Mikkelsen, sum er limur í løgtingssins fíggjarnevnd at frætta um status við Tunlum norð um fjall.
- Vónandi fer tað at vísa seg at niðurstøðan verður at farast kann í gongd við at prosjektera tunnilin nú. Peningur er avsettur á fíggjarætlanini í hesum árinum, so tað skuldi verið góður møguleiki at tunnlarnir norður um fjall nú gerast veruleiki, sigur Jákup Mikkelsen við Norðlýsið.