Lýsing
Lýsing

Mitt í hesi krónutíð og høvundurin Carl Jóhan Jensen

SKRIVAÐ: Tíðindaskriv  |  22.05.2020 - 09:00 Tíðindaskriv Tíðindi

Mánadagin 25. mai kemur ein sjáldsom bók út á forlagnum Hitt føroyska skjaldraveldi. Bókin eitur Mitt í hesi krónutíð og høvundurin Carl Jóhan Jensen. Hetta er ein dagbók hildin frá jóladegi í fjør fram til páskadag í ár, hesar makaleysu mánaðirnar í nýføroyskari søgu.  

Tíðindaskriv:


Um árskiftið legðist ein skuggi inn í tíðindini. Í fyrstuni góvu vit okkum lítið far um hendan skuggan, íðan var eisini myrkt uttan um okkum og hetta, sum varpaði skuggan, so óendaliga fjarskotið, heilt eysturi í Kina í landspartinum Hubei, í einum býi, vit ongantíð høvdu hoyrt grett um: Wuhan.

ri vári og vaksandi ljósi. Áðrenn vit vistu av, var Korona millum okkara. Brádliga vóru andlát ikki longur eftir tíðindini í útvarpinum, men í tíðundunum og tíðindini sjálv.


Smitta, sóttarhald og frástøða vóru annaðhvørt orðið í øllum, vit tosaðu saman gjøgnum teldur og fartelefonir hvør sær, tí nú sótu vit fyri tað mesta inni hjá okkum sjálvum, tordu ikki annað, og tað galt um lívið at vaska ella spritta sær um tómar hendur.
Úti var samfelagið avlýst ella útsett í óvissa tíð. Einki bar til uttan í frástøðu, hvørki sorg ella gleði. Búskaparlig útlit tóku at fána og tað fór at spøkja fyri kreppu og trongum tíðum.


Alt hetta tekur Mitt í hesi krónutíð fyri í fyndigum og bersøgnum hugleiðingum í óbundnum og bundnum máli.
Mitt í hesi krónutíð er ein bók, sum gevur lesara sínum eina øðrvísi og innlitsríkari frástøðu til eina grundbroytta samtíð.
Mitt í hesi krónutíð er bókin, sum tú mást lesa.


Og sum sagt, hon verður tøk frá komandi mánadegi, 25. mai.
    

Lýsing
Seinastu tíðindini
Jóla­skipið og Ársins Rósa - ikki í ár
Ingálvur av Reyni endaði sálmasangin í k…
Smoltstøðin á Glyvradali útbyggj­ast við…
Hjálparpakki 2: Í alt fimm milliónir kró…
Hvør er ársins fyrstuhjálpari 2020?
Elsebeth Mercedis Gunnleygsdóttur, lands…
Svarti fríggjadagur nærkast
Klaksvík millum Gentofte og Calcutta (nú…
Hvussu hevur tú tað? 2019
Stórsigur í toppdysti
KÍ vann greipuna fyri 15. ferð
Corona kanningar­nar í Klaksvík flyta oma…
Team Klaksvík tapti móti VÍF
Sjørnan basti VÍF
Jóannes Bjartalíð er opin fyri at fara u…
KÍ vann steypið hjá U17-dreingjum
Jóla­kalenda­rin hjá Klaksvíkar Dansifelag
Signhild og Gunvá stavn um stavn – Tjóðv…
Toppdystur seinnapartin
Hin stóra umrbroytingin