Lýsing
Lýsing

Útróðrarmenn móti ferðavinnuni

SKRIVAÐ: Filmsfelagið  |  29.06.2020 - 13:49 Tíðindaskriv

Svarthvítt er tað nýggja svarta. Eftir meistarliga filmin ”The Lighthouse” vísur Filmsfelagið nú ein spildurnýggjan bretskan maritiman film, sum við sniðfundigari visuellari styrki sigur eina søgu, sum ikki fer akkurát tann vegin, tí hevði væntað - hóast søgan tykist gomul og kend:

Hin harðrendi, men tó hjartagóði útróðrarmaðurin, Martin, er misnøgdi eygleiðarin, nú ferðafólk úr stórbýnum floyma yvir heimstaðin, sum fyrr var ein friðarlig fiskivinnubygd í Cornwall.

Heimið, har Martin hann vaks upp við besta sýni yvir havið og heilt út í havsbrúnna, er selt til ríkmenn í London, og beiggin forvinnur til dagin og vegin við at sigla ferðafólk í gamla fiskibátinum hjá familjuni.

Andstøðan millum bygd og bý er eitt tíðarleyst og altíð aktuelt fyribrigdi, hóast frásøgusniðið í ”Bait” er tilætlað retro og gamaldags. Her verða gjørdar nýggjar royndir at gera film, sum neyvan eru sæddar í nútímas biografi áður. Ljóðið er eftirsynkroniserað, og filmurin er kliptur á ein ekspressivan hátt sum hjá gamla Eisenstein.

Í heimlandin hevur ”Bait” vunnið bæði BAFTA-virðisløn og hevur verið hálovaður sum hin rættasti Brexit-filmurin av øllum, hóast filmurin ikki er so einfaldur kortini.

Kom í Filmsfelagið mikudagin 15. juli klokkan 20 og síggj og met fyri teg sjálva ella sjálvan í summarhitanum. ”Bait” er í hvussu er ikki nakað, sum tú hevur sæð makan til áður í biografi. Svarthvítt er tað nýggja svarta.

 

- Filmsfelagið -

Lýsing
Seinastu tíðindini
KÍ úti av steypakapping­ini og HB heldur…
Útslignir móti HB í Klaksvík annað árið…
FM/­JM langgeil 3.-5. juli
Brúdleyp - Jona Elisa Rasmussen og Petur…
Sleppa Wuhan Dahl og Kina at verða 17. m…
Tónleikaligt hugnakvøld
Fuglatúrur millum Tjarnir
Nevndin í FM heldur fram
12. juli er talvudagu­rin hjá Føroysku s…
Trygvi Hansen venjari hjá Mjølnir
Útskiftingin í Uppsalahaga endað
Brúdleyp - Karin Kristina og Ivan
Upptakt: KÍ-HB
Amerikanski ambassadøru­rin: Forsetavalið…
Amerikanska sendikvinnan: Føroyar eru po…
Sands: Vónandi fæst Donald Trump til Før…
Carla Sands: Hvørki flotaherstøð ella ko…
Í seks ár hava Bústaðir bygt fimm vanlig…
Carla Sands vitjaði Norðlýsið
Nýggjur Christian í Grótinum