Lýsing
Lýsing

Skjótari at fáa koyrikort til vinnuligan fólkaflutning við bussi

SKRIVAÐ: Fíggjarmálaráðið  |  08.08.2020 - 18:31 Tíðindaskriv Vinna

Landsstýrismaðurin hevur broytt koyrikortskunngerðina, soleiðis at tað verður skjótari at ogna sær koyrikort til vinnuligan fólkaflutning við bussi. Samstundis eru krøvini um frálæru herd.

Í løtuni eru ov fáir bussførarar at koyra við ferðafólki í Føroyum, serliga um summarið. Koyrilærarar og vinnan hava víst á, at tað tekur órímiliga langa tíð at taka koyrikort til vinnuligan fólkaflutning við bussi, og at hetta heldur fólki frá at ogna sær hetta koyrikortið.

Tí hevur landsstýrismaðurin í samferðslumálum í samstarvi við Akstovuna og koyrilærarar gjørt eina broyting í koyrikortskunngerðini, sum gevur møguleika fyri at taka koyrikort til vinnuligan fólkaflutning við bussi skjótari, samstundis sum stórur dentur verður lagdur á ferðslutrygdina.

 

Økt frálæra

Eftir verandi skipan kanst tú bara fáa koyrikort til vinnuligan fólkaflutning, um tú skjalprógvar, at tú javnan hevur koyrt buss ella lastbil í minsta lagi eitt ár innan fyri seinasta trý-ára skeiðið.  

Nýggja skipanin gevur møguleika fyri at sleppa undan kravinum um at hava koyrt buss ella lastbil í meira enn eitt ár. Í staðin er millum annað kravt hálkukoyring á góðkendari koyritekniskari breyt.

 

Nøktar tørvin hjá vinnuni

Nýggja skipanin fer at vera galdandi aftrat verandi skipan.

Hóast nógv bendir á, at lítil busskoyring verður við ferðafólki í ár, kann roknast við, at tørvurin á fleiri bussførarum tekur seg upp aftur næsta summar. Við broytingini í ásetingini um vinnuligan fólkaflutning í koyrikortskunngerðini verður lættari at nøkta tørvin hjá vinnuni, samstundis sum skipanin leggur dent á ferðslutrygdina, sigur Jørgen Niclasen, landsstýrismaður í samferðslumálum.

Broytingin í koyrikortskunngerðini kom í gildi í gjár.

Lýsing
Seinastu tíðindini
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Requiem skírisdag í Varpinum
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin
Slóðbrót­andi semja um tøkugjald