Lýsing
Lýsing

So er byggiætlanin “Húsið hjá SNP í Skúvadali” endaliga framd

SKRIVAÐ: Oliver Joensen  |  12.08.2020 - 16:13 Ítrottur Mentan Myndarøð Tíðindi Vinna

Í gjár var ein bólkur av eldsálum, sum so mangan áður, eysturi í Skúvadali við tí í hyggju, at endað Skúvadalshúsið sum byggipláss.

Árni Skaale, ið vegna Skótalið Nólsoyar Páls hevur stað á odda fyri hesum ótrúliga projekti er sera væl nøgdur.

Hann sigur, at arbeiðið hevur gingið framúr væl. Hóast ætlanin var at húsið skuldi standa liðugt í fjør, so er tað væl sloppi, tá tú skalt tilrættarleggja slíkt projekt úti í oyðini, at tað ganga fýra ár í staðin fyri trý til endaliga úrslitið er rokkið og húsið stendur, sum onkur vitjandi segði, sum tað flottasta húsið av sínum slag útið í oyðini.

Men tað hevur kosta, bæði pening og arbeiðismegi. Í dag er húsið tryggjað fyri 1,7 milj. krónur. Árni metir, at eini 200 til 300 eldsálir hava hesi fýra árini, síðani 29. apríl í 2016 tá alt byrjaði, verið har eysturi og tikið hond í. Nógvar donatiónir eru givnar, so væl hevur gingist, at ongin skuld er í húsinum í Skúvadali, nú tað stendur liðugt. Tað er ikki bara eldsálunum fyri at takka. Klaksvíkar Kommuna hevur verið ein hollur stuðul, eins og nógvar vinnilívsfyritøkur, bæði í Klaksvík og kring um í landinum.

Húsið stendur opið fyri teimum, sum hava hug at ganga eystur og sum fara væl um húsið. Tað er ikki ætlanin at leiga Skúvadalshúsið út. Men kanska verða onkur tiltøk gjørd fyri at nøkta raksturin. Tað er ikki ókeypis at hava eini slík hús standandi. Millum annað skal trygging gjaldast sum kostar um 8.000 krónur árliga og harafturat viðlíkahald.

Vit vóna eisini, sigur Árni Skaale, at tey, sum brúka húsið hugsa um at stuðla SNP til rakstur av húsinum.

Gulu skótarnir, SNP er blivið meira virkið hesi seinastu árini og tí heitir Árni Skaale í hesum sambandi á fólk sum kundu hugsa sær at verið leiðarar í felagsskapinum, hjá Úlvaungum og skótum um at seta seg í samband við seg. Árni hevur tlf. 758100.

Í gjár var ein av fagrastu summardøgum eysturi í Skúvadali. Á myndunum niðanfyri sæst, at sólin var frammi og harafturat pollamjørki, sum dalurin var omanfyri, ein ótrúliga vøkur støða, sum myndatóli bert kann geva tær eina hóming av, slíkar løtur skulu upplivast:

Lýsing
Seinastu tíðindini
Hetta sigur Odmar Færø um skaðan
Abubakar Ibrahim Aliyu spælir ikki við K…
Trupulleikar­nir hjá KÍ í Trongisvági hil…
Magni Husgaard við sínum fyrsta lagi
Skal kappingarleistu­rin varðveit­ast?
Jórun Niclasen vann navnakappingina
Upptakt: TB-KÍ
Semja um maskinmeistarar hjá Vørn
Nevndarskifti í AKF
Myndarøð: Vóru á fjalli í Barmi í dag
Norðoya Sparikassi 6 milliónir í avlopi…
Næmingar­nir ruddaðu Føroyar
KSS-Open 2020
Góð undirtøka á Viðareiði
Børn og ung skulu hava frítíðarkort
KÍ skal á útivøll um liðið kemur í ‘’pla…
Tilmeldingin til Kvøldskúlan letur upp í…
Nú verður aftur møguligt at taka koyriko…
Poula Isaksen 90 ár
Norðlýsið á gøtuni