”Berur, blektaður kleyvarskapur” at halda ólavsøku
Ein maður, sum arbeiðir uttanlands, og sum er raktur av tiltøkum, sum grannalondini seta í verk, eitt nú at Føroyar eru settar á reyða listan hjá Noregi, tekur nú blaðið frá munninum á sosialu miðlunum. Hann heldur tað vera reinan kleyvarskap at halda ólavsøku og brúdleyp, sum um onki var og hóast óteljandi ávaringar, og at serliga tey, sum arbeiða uttanlands, nú mugu gjalda prísin fyri hendan kleyvarskapin.
Hesin maðurin fýlist fyrst og fremst á, at fólk hava tikið seg sjálvi ov hátíðarliga, og ikki sína ábyrgd. Orðarætt skrivar hann:
“So vóru vit aftur á breddanum, grannalandið við nógvum Covid-19.
Tað er okkara ábyrgd, ikki okkum sjálvi, ið vit eiga at taka í ramasta álvara. Av berum blektaðum kleyvarskapi eru vit aftur komin í hesa støðu. Halda brúdleyp og ólavsøku, sum um onki var hent, hóast hundraðtals ávaringar, um eina globala pandemi.
Serligani hart rakar tað okkum, ið arbeiða uttanlanda. Seinast Covid-19 var í hæddini, sótu menn innilæstir í smáum klivum, í sóttarhaldi í 14 dagar, matur settur uttanfyri hurðina 3 ferðir um dagin. Í einum fangatippi sleppa fangarnir hóast alt einaferð um dagin út at spáka, men ikki sjómenn, ið mynstra skulu.”