TB kemur til dystin við góðum sjálvsáliti eftir 3-0 sigur á Argjum seinast. Og tað ger KÍ eisini, tí KÍ hevur fingið góð úrslit seinastu umførini, hóast tað stóð á móti botnliðnum Skála seinast, tá liðið tóktist merkt av, at liðið tríggjar dagar frammanundan hevði spælt krevjandi dyst móti HB. TB og KÍ plaga sum oftast at spæla spennandi dystir í Trongisvági. Eisini dysturin í Klaksvík í ár var spennandi, men báðar dystirnar móti TB avgjørdi KÍ seint og vann 2-1.

Hjá TB eru nærum allir leikarar tøkir av teimum, ið hava spælt síðstu tíðina. Hjá KÍ eru eisini nærum allir leikarar tøkir. Eisini Heini Vatnsdal, sum ikki var við á Skála. Venjarin Mikkjal K. Thomassen hevur fingið trý gul kort og sleppur tí ikki at standa á síðulinjuni og stýra liðnum.

Dysturin í Trongisvági byrjar í dag kl. 14.00. Dómari verður Bjarki Danielsen.