Seinastu fýra árini eru inntøkurnar hækkaðar við 4,1%. Samlaði árligi vøksturin í rakstrarútreiðslunum hevur verið 5,3% hetta sama tíðarskeiðið. Tað er serliga eldraøkið, sum er raðfest hægri og tí eigur ein stóran part av hesum vøkstri.
Í sambandi við fíggjarkarmin 2021 verður mett, at inntøkurnar verða á leið tær somu sum í fíggjarætlanini 2020. Persónskatturin og forskattingin av eftirlønum hækka við 6 mió.kr. Mett verður, at partafelagsskatturin kemur at lækka eitt vet, og út frá hesum er mett, at talan verður um umleið 6 mió.kr. Fíggjarkarmurin er nú samtyktur, og býráðið fer nú at umrøða smálutirnar í rakstrinum og raðfestingarnar í íløgupartinum.