Lýsing
Lýsing

Klaksvík ein ungdómsbýur

SKRIVAÐ: Jógvan Andrias Joensen  |  06.10.2020 - 13:51 Ítrottur Lesarabrøv Mentan Politikkur

Nýggja útgávan av búplássinum hjá Nólsoyar Páll prýðir miðbýin, og vónandi fara ungdómar eisini at trívast har.

Eg vænti somuleiðis at nýggja útgávan av Føroya Húsarhaldsskúla kemur at prýða lendi, tá alt stendur liðugt. Og sum myndin her vísir er ikki talan um eitt skrímsl.
Eg eri vísur í at skúlin kemur at vera ein góður viðleikari hjá teimum, sum varða av Áhugafelagnum Nólsoyar Páll.

Føroya Húsarhaldsskúli hevur búðleikast í Klaksvík síðani 1974. Og sitandi býráð hevur ikki funnið aðra semja enn umrøddu staðseting í miðbýnum.

Hyggja vit t.d. eftir Miðnámsskúlanum, sum í sínari tíð var staðsettur í Kambsdali, so skapar hesin í lítlan mun lív í bygdini, tí ungdómar og starvsfólk búgva aðrastaðir.


Ungdómar eru lívsjáttanin sjálv

Í dag er tað ein góð og lívsjáttandi íløga at skúlar eins og alt frítíðarvirksemi verður staðsett miðskeiðis í bygdum øki. Tí ungdómar eru lívsjáttanin sjálv!
Ungdómar eru og skapa lív. Tey eru við til at gera ein livandi bý lívligan. Tey mynda tíðarrák, sum til eina og hvørja tíð, eru við til at bjóða nýggju tíðini av. Og soleiðis, meini eg, tað eigur at verða!


Stundin er tí komin at Klaksvíkin tekur ungdómin, sum eina eind, til sín. Um ikki ríma tey og  skapa lív aðrastaðir.

 

Nýmótans ungdómsbýur

Vit hava seinastu árini sæð og hoyrt at nógv bygging er ávegis ungdóms-, frítíðar- og mentanarlívinum at frama. Eitt nú skúli, mentanarhús, rennibreyt, skýli v.m. Ynskiligt er at arbeiði, við fleiri av hesum verkætlanum, stendur liðugt í komandi setu.
Tá er lítil ivi í at Klaksvíkin, sum savnandi miðstøð í norðurøkinum, við mong høvi fær møguleika at gera sær dælt av at ungdómar trívast her.

Við hesum er ein miðvís og stigvís tillaging til nýggja samstarvsmentan farin av bakkastokki. Ein avbjóðing, sum setur krøv til betri og skipa samstarv millum kommununa og frítíðar- og mentanarlívið. Hon setur somuleiðis krøv til betri og skipa samstarv millum omanfyri nevndu stovnar.

Ein heimstaður sum Klaksvík eigur at vísa at hann torir at taka tey ungu til sín og virða teirra leiklut í býarmyndini. Annars søkja tey - ungdómum líkt – aðrastaðir har liviligt og lívligt lív er.

 

Eindarhugur norðinga

Fjarstøðan hjá Føroya Húsarhaldsskúla til aðrar skúlar og stovnar, akursmørk, ítróttardepilin og tsk er ikki stór. Og sama kann sigast um fjarstøðuna hjá Áhugafelagnum Nólsoyar Páll til varðveittu bygningarnar í Klaksvíksgarðinum, Klaksvíkar Spinnarí o.a. eldri býlingar í Klaksvík.

Stundin er komin at samvirkanarárin millum nevndu stovnar týðiliga sæst aftur í býarlívinum.
Heldur enn vit-og-tit branding av heimstaðnum, er tað sjón fyri søgn at býurin, í øllum lívsins leikum,  stendur sterkari, sum ein dragandi eind - ikki minst hjá eini ferða- og upplivingarvinnu í menning.

Nýggi bygningurin hjá Føroya Húsarhaldskúla, og nýggi bygningurin hjá Áhugafelagnum Nólsoyar Páll, eru góð klýpi - í einum innangarðs varða - í einum nýmótans ungdóms- og miðbýi í Klaksvík.

 

 

 

 

Lýsing
Seinastu tíðindini
Raðfesta børnini – Hægri barna­frádrátt
Føroyar gjørt sáttmála við Bretland um f…
Núpur landar fríggjamorgunin
Like-mentanin, nertingarótti og kommunuv…
Stuðuls­tiltak í kappróðrarneystinum
Betri Trygging spílar seg út við nýggjum…
Vallistin til eldraráðið 10. november 20…
Skal vera trygt og virðiligt at eldast í…
FM-seyða­hundakapping á Vatnaskørðum
Stuðul til sjúkrarøktar­frøð­ingar frá Kom…
Allan Mørkøre skal menna hoyvíkingar kom…
B36 knógvaði sigurin heim í kvøld
KÍ vann stigini í Sarpugerði
Sálarlig heilsa skal uppraðfestast
Team Klaksvík fær vitjan av Neistanum hó…
Heimsins fyrsta marknaðarførings­skipan t…
Leirkerið við nýggjari bók – „Styrki í s…
Minningarhald teirra sjólátnu í Svínoy
Heyst á Áarstovu
Fyrstu valplakatir­nar komnar upp