Lýsing
Lýsing
Eftir at Klaksvík hevur verið frí fyri Corona í longri tíð, er friðurin nú møguliga úti. Søgur ganga um, at ein, ið er smittaður, hevur verið á Jacqson seinasta vikuskifti, og landslæknin vil ikki avsanna tað. | Mynd: Egin mynd.

Møguliga er Covid-19 aftur í Klaksvík

SKRIVAÐ: Jóhann Lützen  |  15.10.2020 - 21:52 Tíðindi

Søgur eru farnar at ganga um, at ein persónur, ið seinni er vorðin staðfestur smittaður av Corona-virusinum, hevur verið at sæð í Jacqson seinasta leygarkvøld í Klaksvík. Norðlýsið hevur vent sær til landslæknan, Lars Fodgaard Møller, fyri at fáa hesi tíðindini váttað ella avsannað, og landslæknin segði í stuttari viðmerking, at hann ikki kann nevna persónar, men at hann ikki kann avsanna, at ein tilburður er staðfestur í Klaksvík.

Norðoyggjar hava annars verið hepnar í hesi seinnu bylgjuni av Corona. Bert 3 tilburðir hava verið síðani 1. juli í ár, og seinastu 14 dagarnir hevur als ongin tilburður verið. Men nú er møguleiki fyri, at smittan er komin aftur til Norðoyggjar og til Klaksvíkar.

Um hald er í søgunum, sum eru farnar at ganga, so hevur persónurin, talan er um, verið á skeinkistaðnum Jacqson leygarkvøldið tann 10. oktober, allarhelst uttan at vita av, at viðkomandi er smittað/ur. Hvussu er og ikki, so bíða vit nú eftir meira kunning frá landslæknanum og næstu dagføringini av, hvussu Coronasmittan er býtt sundur upp á økini í landinum.

Norðlýsið fylgir málinum og dagførir so skjótt, vit vita meira.

Lýsing
Seinastu tíðindini
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin