Longu mikudagin skal ÍF aftur til Klaksvíkar, tá felagið hevur lænt heimavøllin í Klaksvík, sum hevur neyðugu ljósstyrkina til at spæla landskappingardyst í myrkri. Av dagsins liðum, so hevur KÍ nógv meir at spæla fyri, tí ÍF liggur í ongamannalandi, meðan KÍ er í harðari kapping um 2. plássið, sum gevur Europa Conference League pláss. Hjá KÍ kann roknast við, at fleiri útskiftingar vera á liðnum, tí KÍ spældi mikukvøldið og hevur dyst aftur komandi mikukvøld. Allir leikarar eru tøkir, tó at onkrir hava onkrar snuddir. Hjá ÍF hevur Jens Joensen leikbann.

Dysturin byrjar kl. 15.00. Dómari verður Rúni Gaardbo.