Allan Mørkøre skal menna hoyvíkingar komandi fimm árini
Klaksvíkingurin hevur gjørt langan sáttmála við FC Hoyvík.
FC Hoyvík skrivar:
FC Hoyvík nýggjan høvuðsungdómsvenjara
Nevndin hevur undirskrivað langtíðarsáttmála við Allan Mørkøre, sum verður nýggjur høvuðsungdómsvenjari í felagnum.
Allan er longu kendur í felagnum og hevur síðsta árið verið venjari hjá gentum U15, har vit hava sæð stór ítróttarlig og trivnarlig úrslit.
Allan hevur hollar royndir sum venjari, har hann bæði hevur vant ungdóm og vaksin. Allan hevur A-prógv og hartil námsfrøiliga útbúgving.
Umframt at Allan, sum høvuðsungdómsvenjari skal standa á odda at menna allar leikarar og venjarar í FC Hoyvík, verður hann eisini høvuðsvenjari hjá G15.
Sjálvur sigur Allan at hann er sera spentur at taka við nýggja starvinum.
Sáttmálin er skrivaður fyri 5 ár.
Vit ynskja Allani bestu eydnu í nýggja starvinum.