24 ára gamli landsliðsleikarin Jóannes Bjartalíð bleiv toppskjútti hjá KÍ í ár við 15 málum. Í fjør var hann ársins leikari í føroyskum fótbólti og á landsliðnum hevur hann vunnið sær fast pláss í uppstillingini. Jóannes hevur sum mál at royna seg uttanlands og tað kann vera, at hann fer avstað í vetur.

- Um rætti møguleikin kemur, so kundi tað verið. Men enn er einki konkret, sigur Jóannes Bjartalíð við Norðlýsið.

Jóannes Bjartalíð hevur sáttmála við KÍ fyri komandi árini, men hevur helst sum flestu føroyingar ein sáttmála, ið ger at teir kunnu sleppa leysir, um møguleikar uttanlands stinga seg upp.