Ki.fo skrivar: Runavíkingurin við tí gandakenda vinstra beininum, skal komandi tvey árini spæla í tí kongabláu KÍ blusuni.

Árni er kendur fyri síni neyvu innlegg og skot, har hann hevur eitt vinstra bein sum fáur. Árni dámar væl at leggja upp til mál, har hann yvir fleiri ár hevur verið róptur “assistkongurin” í føroyskum fótbólti.

Árni umboðaði barndómsfelagið NSÍ fram til og við 2018. Síðan tá hevur Árni umboð B36, og flytir nú til Klaksvíkar.

Árni er 28 ára gamal og hevur 259 dystir í bestu deildini á baki.

Vit ynskja Árna hjartaliga vælkomnan í felagið og góða eydnu í KÍ blusuni!