Komandi íverksetar
Mikudagin høvdu nakrir næmingar í 6. flokki fyrsta tíma teirra í íverksetan. Og hvar er betri at byrja tímarnar í íverksetan enn í Íverksetarahúsinum.
Næmingarnir vitjaðu og sóu umstøðurnar har, og Magni Thomsen, samskipari, helt ein áhugaverdan fyrilestur um íverksetan og íverksetarar í Føroyum fyri næmingunum.
Á heimasíðu teirra sendur, at Íverksetarahúsið hevur síðani tað varð sett á stovn í 2007 havt sum aðalmál at stimbra og hjálpa íverksetarum, umframt at stimbra íverksetaramentanina í øllum landinum, og soleiðis styðja upp undir menningina av einum fjøltáttaðum vinnulívi í Føroyum.
Høvuðsvirksemið hjá Íverksetarahúsinum er, at veita almenna og ókeypis ráðgeving til allar føroyingar, ið hava hug og hugskot til íverksetan. Harumframt verður regluliga skipað fyri tiltøkum, skeiðum og øðrum útbúgvingarligum virksemi.
So, um tú einaferð í framtíðini ella skjótari enn tað ætlar tær at byrja egna fyritøku hevur tú eisini møguleika at fáa innivist í einum spennandi og nýskapandi umhvørvi saman við øðrum íverksetarum og lesandi, sum eisini húsast í Íverksetarahúsinum.
Næmingar og lærari takkar Íverksetarahúsinum fyri eina áhugaverda vitjan.