Team Klaksvík spældi ein góðan fyrra hálvleiki í Kollafirði. Men KÍF var betra liðið seinastu minuttirnar av fyrra hálvleiki og nærum allan seinna hálvleik.

Team Klaksvík førdi nærum allan fyrra hálvleik. Lyklaleikararnir vóru málverjin David Heiningman og spæliskiparin Vuk Stvanovic. Beint áðrenn hálvleik førdi Team Klaksvík 16-13, men síðstu løtuna fekk KÍF minkað til 16-15.

Í seinna hálvleiki fóru útvísingar (5) og brend brotsskøst (3) at kostað dýrt. Serliga í verjuni, har KÍF ofta slapp at spæla í yvirtali og dugdi tá væl at koma til púra opnar møguleikar, har serliga Fríði Weyhe var tryggur. Endin var at KÍF vann 33-29. Sostatt skal Team Klaksvík helst vinna báðar dystirnar móti H71, um liðið skal koma víðari.

Málini hjá Team Klaksvík í Kollafirði skoraðu Vuk Stevanovic (11), Valentino Valentakovic (8), Sámal á Tjaldrafløtti (3), Vilhelm Vilhelmsen (3), Kjartan á Gravarbø (2), Ludvík Súnason og Dánjal Kjærbo.