Leygardagin skulu kvinnurnar hjá Stjørnuni á heimavølli leika ímóti H71. Talan er um innleiðandi dyst í steypakappingini. Lagt er upp til ein spennandi dyst. Tað eru 14 dagar síðani liðini hittust í landskappingardysti í KÍ-høllini, og tann dysturin var javnur og spennandi, og endaði við 33-29 sigri til H71.

Seinasta vikuskifti leiktu stjørnukvinnurnar ein undirhaldandi og spenndandi dyst í steypakappingini ímóti Neistanum, har Stjørnan hevði leiðslu stóran part av dystinum. Sum flestu kunnugt, so fekk dysturin ein keðiligan enda, sum hevði við sær, at Stjørnan tapti dystin við einum málið. Eftir dystin sendi Stjørnan inn klagu, tí tey vóru ikki nøgd  við dómaraavgerðirnar við enda dystinum. So vítt Norðlýsið veit, so er støða ikki til klagu frá Stjørnuni.

Hóast Stjørnuleikarnir vóru keddir og uppøstir eftir dystin móti Neistanum, so hava tær hesa vikuna roynt at hugsavna seg til komandi dyst móti H71, og eru tær rættiliga uppsettar og spentar til dystin. Tær vóna at fáa góðan stuðul frá viðhaldsfólki sínum, nú áskoðarar aftur kunnu koma til dystirnar. Dysturin byrjar kl. 18.00.