Klaksvíksbørn ikki góð nokk til Kringvarpið
Tónleikasamskiparin í Kringvarpinum heldur ikki at sangurin egnar seg til kappingina "Ársins útvarpshitt" og verður tí vrakaður
Lagið liggur á youtube, hoyr niðanfyri. Í skrivandi løtu hava 41.576 hoyrt lagið, sum altso ikki er gott nokk til Kringvarpið. Tað er Steintór Rasmussen, ið eigur orð og lag og børn á Skúlatrøð syngja
Tónleikasamskiparin sigur á tráði á facebook millum annað soleiðis:
- Orsøkin til, at hann ikki er við á listanum "Ársins útvarpshitt" er, at hann hevur havt fullkomuliga øðrvísi fortreytir enn teir sangir, sum føroyskir tónleikarar góvu út og sendu útvarpinum í fjør.
Á sama tráði eru fólk ørkymlaði og skilja ikki grundgevingarnar hjá tónleikasamskiparinum hjá Kringvarpinum.
- Ein kundi sum tónleikaráð møguliga eisini spurt, um eldri føroyingar skulu sleppa at atkvøða fyri einum umsettum kendum sangi úr norskum. Um hetta ikki eisini kann avlaga kappingina.
Nei, eg má bara undrast og spyrja, hvat endamálið við øllum hesum er.