Mikukvøldið fæst at vita, um Team Klaksvík skal vera partur av endaspurtinum um 4. plássið, sum gevur hálvfinalupláss í landskappingini.

Tað er nærum bara kapping um 4. plássið, har KÍF liggur tvey stig frammanfyri Team Klaksvík við einum dysti færri. Tí er kravið til Team Klaksvík at vinna dystin í Kollafirði mikukvøldið, tí Team Klaksvík hevur bara tveir dystir eftir aftaná hendan, sum eru á útivølli móti VÍF og á heimavølli móti Neistanum.

Hetta er samstundis fyrstu ferð í søguni hjá Team Klaksvík, at liðið verður at síggja beinleiðis í KVF. Dysturin byrjar kl. 20.00 og KVF byrjar at senda úr Kollafirði kl. 19.50.