Lýsing
Lýsing

Pengadagur fyri allar 9. flokkar í Føroyum

SKRIVAÐ: BankNordik  |  03.03.2021 - 13:43 Tíðindaskriv Vinna

BankNordik bjóðar øllum næmingum í 9. flokki til Pengadag. Til Pengadagin fáa tey ungu undirvísing í grundleggjandi spurningum um fíggjarviðurskifti og góð ráð um skilagóðar pengavanar.

Vitan um fíggjarviðurskifti er avgerandi – eisini fyri ung. Bløð, heimasíður og sosialir miðlar eru full av lokkandi lýsingum og at síggja til bíligum loysnum, sum kanska ikki altíð gagna okkum. Harafturat kunnu orð og hugtøk so sum renta, lán, kostnaðir, afturgjaldstíð, ÁKP og rættindi á arbeiðsmarknaðinum verða trupul at skilja, hóast hesi kunnu vera avgerandi fyri fíggjarstøðuna hjá tí einstaka. Tí er umráðandi, at fólk – frá tí tey eru heilt ung – fáa grundleggjandi vitan um pengar, og tí hevur BankNordik tikið stig til Pengadagin, sum er fyri allar næmingar í 9. flokki.

Til Pengadagin fáa næmingarnir millum annað undirvísing í:

  Inntøkum og útreiðslum
  Løn, skatti og rættindi hjá ungum á arbeiðsmarknaðinum
  Lán og rentu
  Hvussu ein heldur skil á sínum pengum
  Talgildum pengum og tryggari atferð á netinum

Sunnir pengavanar avgerandi fyri framtíðina

Áleið 20. hvør dani millum 18-30 ár er skrásettur í RKI (Ribers Kredit Information) sum vánaligur gjaldari. Summi eru enntá skrásett fleiri ferðir, og fleiri teirra hava stóra skuld, ið tey hava trupult við at gjalda aftur.

Vit hava ikki líknandi tøl fyri føroyskan ungdóm, men tá ið ung fólk í Føroyum ikki fáa undirvísing í, hvussu ein heldur skil á síni fíggjarstøðu og sleppur undan fíggjarligum fellum, er vandi fyri, at tey eisini kunnu koma illa fyri.

“Fíggjarligir trupulleikar í ungdóminum kunnu hava stórar avleiðingar fyri framtíðina hjá tí einstaka. Tí eiga øll ung í Føroyum at fáa grundleggjandi vitan um pengar og fíggjarviðurskifti, soleiðis at tey við sunnum og góðum pengavanum kunnu fáa so góða byrjan upp á vaksna lívið sum gjørligt”, sigur Turið F. Arge, rakstrarstjóri í BankNordik.

Allir næmingar í 9. flokki hava fingið innbjóðing til Pengadagin. Tað eru ráðgevar í BankNordik, sum standa fyri undirvísingini, og skúlarnir kunnu melda flokkarnar til í mars- og aprílmánaði.

Lýsing
Seinastu tíðindini
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin