Søguligar kappróðrarmyndir
Klaksvíkar Kappróðrarfelag hevur sett sær fyri at savna inn søguligt tilfar, ið kann stuðla undir søgu felagsins
Í meira enn eina øld hevur kappróður verið partur av ítróttarumhvørvinum í Klaksvík. Klaksvíkingar fingu sítt kappróðrarfelag í 1936 - sama ár sum fyrsta Norðoyastevna varð hildin.
Síðani hava kappróðrarbátar verið flotaðir á nærum hvørjum árið, og sigast kann, at kappróðrarbátar á vágni er ímyndin av føroyska summarinum í Klaksvík.
Í dag er sera nógv virksemi í Klaksvíkar Róðrarfelag, og nú hevur felagið sett sær fyri at savna inn søguligt tilfar, ið kann stuðla undir søgu felagsins.
Liggur tú inni við áhugaverdum myndum ella øðrum søguligum tilfarið, so frætta vit fegin frá tær. Tað ber til at senda teldupost á klaksvikarrf@gmail.com ella at senda beinleiðis boð til okkara á Facebook