Ólavur Biskopstø er skipari á Gadus hendan túrin og hann sigur, at teir fara at hála fyri síðstu ferð í kvøld. Síðani skulu teir á kontrollpunktið, áðrenn kósin verður sett móti Klaksvík. Gadus hevur fulla last og tað fer at verða góð 750 tons, har tað mesta er toskaflak. Gadus fór avstað 21. januar, so talan er um ein góðan túr. Skiparin sigur, at Gadus fyri tað mesta hevur roynt á Hjelmsøybankanum í norskum sjógvi hendan túrin. Tað hevur verið sjaskveður ein part av túrinum, men síðstu vikuna hevur veðrið verið gott.

32 mans eru við Gadus hendan túrin. Gadus verður væntandi á Klaksvík hóskvøldið.