Síðan páskamorgun hevur køld luft rikið ímóti okkum norðanífrá. Yvir Grønlandi er eitt hátrýst við nógvari kaldari luft. Motorurin, ið hevur sent ta køldu luftina ímóti okkum, er eitt lágtrýst yvir Norðurnorra. So leingi hesi bæði standa í stað - ella næstan í stað - fer tað at vera kalt í Føroyum.  

Hyggjandi eftir veðrinum í morgun og forsagnum fyri vikuna, ið kemur, og fyri næstu viku, so er tað hetta mystrið, vit kunnu vænta okkum næstu 10 - 14 dagarnar.

Okkurt undantak fer at vera. Seinnapartin mikudagin og hósmorgun fer at verða lágætt og fitt av avfalli.

Fekk eitt veðurtekn í telefonsamrøðu við Peturi Hans Dahl, veðurmann, í vikuskiftinum:

Tá ið høgætt hevur ligið í nakrar dagar, og hon verður avbrotin av táningi (toybili), serliga av landsynningi - og kemur høgættin so aftur, verður hon liggjandi leingi.

Hetta veðurteknið kunnu vit so royna, um tað fer at passa hesuferð.