Í Klaksvík vitjar EB/Streymur, sum fyrstu trý umførini fekk tvey stig, meðan KÍ hevur fult stigatal. Hjá KÍ væntast ikki, at Claes Kronberg verður tøkur vegna skaða, meðan ivamál er um Odmar Færø, sum ikki spældi síðsta landsdystin vegna skaða. Hinvegin eru Jesper Brinck og Ivar S. Rønning nú heilt klárir eftir fleiri venjingardystir/1.deildardystir. Annars er vert at hava í huga, at KÍ-álopsleikarin, Páll A. Klettskarð, manglar eitt mál í at taka metið fyri flest mál fyri KÍ í landskappingini í bestu deildini.

Dysturin í Klaksvík byrjar kl. 15.00. Dómari verður Rúni Gaardbo.