KÍ hevur enn ongar trupulleikar havt av botn 5 liðunum, sum undanfarnu ár altíð hava fingið stig móti KÍ. Hesaferð skal KÍ longu aftur á vitjan hjá 07 Vestur, tí 10. umfar er tað sama sum 8. umfar.

Hjá 07 Vestur er norski álopsleikarin, Erling Myklebust, givin í felagnum. Hjá KÍ eru nakrar broytingar í mun til seinasta dyst. Heini Vatnsdal hevur leikbann, meðan Jonn Johannessen er skaddur. Ivamál er um Odmar Færø kann spæla. Hinvegin eru Kristian Joensen og Jóannes Bjartalíð tøkir aftur.

Dysturin í Sørvági byrjar kl. 15.00. Dómari verður Jóhan Hendrik Ellefsen.