Tað valdar óvissa í kappróðrarumhvørvinum, tí nú vit fara inní hósdagin skjótt, so veit eingin, um nakar FM-róður verður í vikuskiftinum ella ikki. Í RSF standa tey eins spyrjandi. Norðlýsið hevur tosað við forkvinnuna í kvøld.

- Vit bíða framvegis eftir, hvørji tilmælir koma frá myndugleikunum. Vit vita ikki, hvørji tey verða. Men vit hava fyrireikað okkum og eru púra klár at avgreiða róðurin á Skála. Bæði við áskoðarum og uttan áskoðarar. Men tað er greitt, at ein avgerð má takast og vit skulu ikki langt inní hósdagin fyrr enn hon má takast, sigur Annika Dalsgarð, forkvinna í RSF.

Uppá fyrispurning um, hvussu verður við Norðoyastevuróðrinum, so er tað enn óvist. Hon dugur ikki at siga, hvussu verður við tí róðrinum og um tann avgerðin verður tikin áðrenn ein møguligan róður í vikuskiftinum.