Á sílaveiðitúri til Kirkjuvatn í Suðuroy, gingu vit okkum fram á  ein skúv, ið fekst við at eta eina mýrusnýpu. Nógv kjak hevur verið um stóru mongdina av skúvi í Føroyum. Ført hevur verið fram í hesum kjaki, at skúvur væl kann liva saman við heiðafugli. Væl kann vera at skúvur kann tað í ávísan mun, men hinvegin er ilt at trúgva annað enn, at skúvur tekur heiðafugl, tá ein oftað sær leivdirnar av fugli har skúvur heldur til.

(Myndirnar av skúvi niðanfyri eru tó ikki frá økinum viðð Kirkjuvatn, tær eru úr okkara túri á Svínoynni. Men myndirnar av mýrusnípuni eru tiknar ávegis til Kirkjuvatn fyri lítlari viku síðani)