Klaksvíkingur vann við góðari bátslongd í Miðvági
Munurin millum Klaksvíking og hinar minkar ikki fyribils.
Hóast tvær vikur vóru síðani síðstu stevnu, so broyttist gongdin ikki stórvegis hjá 10-mannaførum. Klaksvíkingur koyrdi enn ein tryggan sigur heim og vann við góðari bátslongd aftur til Ormin Langa.
Klaksvíkingur hevur vunnið allar róðrarnar higartil í ár og hevur nærum tryggjað sær meistaraheitið. Men tveir týdningarmiklir róðrar er eftir í royndini at fáa fult stigatal. Tann á heimasjógvi í Klaksvík og síðani ólavsøkuróðurin.
Hinir bátarnir hjá KRF
Hetta var einasti sigurin hjá KRF í Miðvági, har barnaróðrarnir blivu útsettir til sunnudagin. Men fleiri heiðursmerkir komu til KRF. Fípan Fagra við dreingjum endaði á 2. plássi og tað sama gjørdu kvinnurnar á Teklu, sum fingu sítt besta úrslit í ár. Hjá gentum endaði Fípan Fagra somuleiðis á 2. plássi.
Myndir: KVF (Skíggjamyndir)