Í gjár skrivaðu vit, at Ludvík við Stein(Eysturoyingur) er mest vinnandi rógvari við sama báti hjá 10-mannaførum við sjey føroyameistaraheitum og 39 FM-stevnusigrum. Men tað er ein afturat, sum hevur sjey føroyameistraheitir. Tað er Karl Olivar Bærentsen, sum í 1979 vann sjeynda føroyameistraheitið við Havnarbátinum. Tað kom fram í sendingini ''Havnarbáturin'' hjá KVF. Hesi árini vóru færri stevnur enn nú, so Karl Oliver vann ikki eins nógvar FM-róðrar sum Ludvík. Sambært upplýsingunum í sendingini hjá KVF og á úrslitunum á stavnur,fo, so hevur Karl Olivar helst vunnið 27 FM-róðrar.

Magnus Norðberg (Klaksvíkingur) kann í ár javna metið við sjey meistraheitum og javna/taka metið fyri flest FM-róðrar. Hann hevur í løtuni vunnið seks føroyameistaraheitir og 38 FM-róðrar.