Eftir landsliðssteðg byrjar Betri Deildin aftur, har oddaliðið skal vitja á Svangaskarði hjá B68, ið hevur staðið seg væl sum uppflytari.

KÍ hevur vunnið tryggar sigrar í bæði landskapping og venjingardystum móti B68, men B68 hevur ment seg gjøgnum árið og serliga eftir summarsteðgin.

Hjá KÍ eru fleiri ivamál vegna skaðar. Bob Sumareh hevur í vikuni verið darvaður av skaða og spælir neyvan. Síðani eru tað Heini Vatnsdal, Odmar Færø og Jákup B. Andreasen, ið hava spælt landsdystir. Summir av teimum hava ikki vant við fullari ferð og mugu metast sum ivasamir. Daniel Bjørman er framvegis ikki tøkur.

Dysturin á Svangaskarði byrjar kl. 15.00. Dómari verður Bjarki Danielsen.