KÍ sat á tí mesta nærum allan dystin og var á odda 1-0 í hálvleikinum. Tíðliga í seinna hálvleiki bleiv dysturin avgjørdur, tá KÍ kom uppá 3-0. Tað endaði 5-1 til KÍ, sum sostatt gjørdust fyrstu steypavinnarar í ár.

Fleiri av KÍ-málunum vóru væl útførd tekniskt og at síggja til hevur KÍ her lutfalsliga nógvar leikarar, sum kunnu koma langt.

Venjari hjá KÍ er svenski Jens Wedeborg, sum kom til KÍ sum partur av ætlanini við nýggja akademinum.