Lýsing
Lýsing
Lýsing
Olaf Berg, vinstrumegin, og Carl Eli Samuelsen, høgrumegin, í dysti í gjár. Teir sótu á 2.- og 3. borði hjá Havnini, sum vann 4-0 á Vestmanna.

Havnin nýtt oddalið

SKRIVAÐ: faroechess.com  |  21.11.2021 - 12:03 Ítrottur Tíðindi

Tað gongur javnt á í fremstu deildini í landskappingini í talvi. Útsettu dystirnir í 1. deild vóru í gjár. Oddaliðini skiftast um leiðsluna. Fyrst var Sandavágur á odda, síðani klaksvíkingar, og nú havnarmenn.

Korona hevur aftur lagt meinbogar í vegin fyri regluligu telvingina, men nú eru teir byrjaðir aftur. Í 1. deild vóru úrslitini hesi:


1. deild (3. umfar):
Havnin - Vestmanna 4-0
Klaksvík - Sandavágur 1½-2½
Havnin B. - Klaksvík B. 3-1

 


Oddadystur


Týðandi dystur var í Klaksvík millum oddaliðið hjá Klaksvíkar Talvfelag og føroyameistarnar Sandavágs Talvfelag. Vágamenn vunnu tepurt. 


Rógvi Egilstoft Nielsen fekk á 1. borði javnt móti moldosvka stórmeistaranum Vladimir Hamitevici, sum herfyri vann sterka jubileumskapping hjá felagnum Øbro í Keypmannahavn. Fimm stórmeistarar vóru við í tí kappingini. Men borgarstjórin á Eiði, sum framvegis telvar fyri sítt barndómsfelag í Sandavági, telvaði remis móti moldovska stórmeistaranum, sum býr í Klaksvík og rør út haðani.


Á 2. borði vann føroyameistarin Høgni Egilstoft Nielsen á Ólavi Simonsen. Á 3. borði koppaði Terji Petersen Silas Eyðsteinsson, men á 4. borði bragdaði eisini hjá vágamonnum. Her vann Torkil Nielsen á Steintór Rasmussen - tveir fyrrverandi føroyameistarar.

 


Toppur og botnur


Havnarmenn gjørdu bart móti vestmenningum, og vunnu á øllum borðum. Manningin hjá Havnini var henda: 1. Helgi Dam Ziska 2. Olaf Berg 3. Carl Eli Samuelsen 4. Luitjen A. Apol. Á vestmannaliðnum telvaðu Jákup á Rógvi Andreasen, Samson Højgaard, Kári Durhuus og Hanus Ingi Hansen.


Triði dysturin var millum næstbestu manningarnar hjá Havnini og Klaksvík. Havnin vann 3-1. Rógvi Mortensen, Margar Berg, Andrias Ziska og Óli Joensen vunnu á Finnbjørn Vang, Ingolf Gaard, Janus Skaale og Boga Hansen. Janus Skaale fekk einasta sigurin hjá klaksvíkingum, men Bogi Eliassen Hansen kundi tað sama eisini vunnið, so 2-2 lá í luftini eina løtu.  

 


Dystirnir í 1. deild í 3. umfari:

 

 

Støðan í 1. deild
1. Havnin 10 stig
2. Sandavágur 8½
3. Klaksvík 8
4. Havnin B. 6
5. Klaksvík B 2½
6. Vestmanna 1


Telvað verður aftur í 1. deild 12. desember. Og dystirnir í 5. umfari eru 12. januar. Tá er kappingin hálvrunnin. Landskappingin endar 26. mars 2022.


4. umfar (12. desember)
Klaksvík - Havnin
Sandavágur - Klaksvík B
Vestmanna - Havnin B


5. umfar (9. januar)
Havnin - Sandavágur
Havnin B. - Klaksvík
Klaksvík B. - Vestmanna

 


Hinar deildirnar


Yvirlitið yvir hinar deildirnar er ikki heilt fullfíggjað.


Í 2. deild er Havnar Telvingarfelag á odda, Kollafjørður nummar tvey og Sandavágur nummar trý.


Í 3. deild er Vestmanna á odda, Toftir nummar tvey, og Kollafjørður og Havnin nummar trý.


Og í 4. deild er Rókur úr Sundalagnum nummar eitt, Havnin nummar tvey og Gøta nummar trý. Níggju lið eru í fjórðu deild.

 

 

 

 


 

Lýsing
Seinastu tíðindini
Ongin ger nakað við føroyameistararnar
Hondbóltsdystur útsettur vegna koronu
Flagið loyst fyri nýggja bygningin hjá S…
Visuelt valaverk og virðiligur varði
Ger góðar og jólaligar smákøkur
Bankarnir gera sær ómak fyri fleiri hund…
Miriam J. Norðberg nýggjur leiðari á Ítr…
Hugleið­ingar í sambandi við Bókaframløga…
Bókaframløga: Av Matterhorn í Leirvíkst…
Skoytubreytin letur nú upp
Jólatræið á Norðoyri tendrað
Sjúrður heldur fram
Jólatræið í Ánunum tendrað
Norðoya Seyðahunda­felag fingið stykkið t…
Sáttmálasam­ráð­­ingar: Semingsstovnu­rin bo…
Alment útboð: Stroyming av býráðsfundum
Knústu Luksemburg
Kanning um føroysku kriminal­forsorg­ina:…
Úti er kavi og inni er jólaklipp
Seinnu hálvfinalur­nar í kvøld - tvey kor…