Lýsing
Lýsing
Helgi Dam Ziska og Høgni Egilstoft Nielsen vunnu báðir á fremstu borðunum móti Luksemburg fyrrapartin. Seinnapartin verður telvað móti Liktinstein.
Knústu Luksemburg
Føroyska talvlandsliðið gjørdi ein ordans vørr í smálandakappingini á Malta fyrrapartin. Føroyar vunnnu heili 4-0 á liðnum, sum er styrkismett nummar trý í kappingini. Luksemburg hevur tvær ferðir vunnið smálandakappingina.
Allir á føroyska liðnum - Helgi Dam Ziska, Høgni Egilstoft Nielsen, John Rødgaard og Luitjen Akselsson Apol - vunnu. 15 ára gamli Luitjen var tann fyrsti, sum vann. Hann var tann einasti av føroysku telvarunum, sum hevði lægri styrkital enn mótstøðumaðurin.
Við hesum einastandandi úrsliti - og tepra sigrinum í gjár á Andorra, sum er styrkismett nummar tvey í kappingini - hava Føroyar fingið eina flúgvandi byrjan suðuri á Malta.
Seinastu tíðindini