Lýsing
Lýsing
Føroysku telvararnir suðuri á Malta. F.v.: John Rødgaard, Luitjen Akselsson Apol, Høgni Egilstoft Nielsen, Jón í Horni Nielsen og Helgi Dam Ziska.

Sigurin komin undir land

SKRIVAÐ: faroechess.com  |  03.12.2021 - 23:54 Ítrottur Tíðindi

Føroyar standa á gáttini at vinna smálandakappingina í talvi fyri smátjóðir í Evropa. Nú restar heilt lítið í.

Í áttanda umfari í dag telvaðu Føroyar og Kýprós javnt 2-2. Allir telvaðu remis uttan stórvegis hóvasták. 


Líkt er til, at føroyingar hava kent seg so tryggar longu fyri dystin, at teir fóru ikki heilhugaðir eftir sigrinum. Besta dømið um tað man vera, at stórmeistarin Helgi Dam Ziska helt frí. Teir eldru sýndu teimum yngstu tað álit, at lata bæði Luitjen og Jón telva í dag, tó at teir høvdu mótstøðumenn við hægri styrkitali yvirav sær á aftaru borðunum. 


Nú er støðan tann, at tað skal ganga út av lagi illa í seinasta umfari í morgin, um sigurin skal gleppa føroyingum av hondum. Føroyar hava fimtan stig fyri sjey sigrar og ein javnleik. Føroyar eru tvey stig undan Kýprós, sum er einasta lið, sum kann fáa okkum aftur. Kýprar hava trettan stig, eitt fleiri enn Andorra, sum tí ikki longur kann vinna kappingina. Men Andorra kann fáa Kýprós aftur, tí tey bæði liðini møtast í síðsta umfari í morgin.


Siga vit, at Føroyar tapa í síðsta umfari leygardagin móti Guernsey, og Kýpros vinnur á Andorra, stendur á jøvnum í oddanum, men tá koma borðstigini okkum til góðar. Føroyar hava 25 borðstig og Kýprós 22. Vinna kýprar 4-0 á Andorra - og tað átti ikki at komið fyri - tá standa føroyingar seg við hálvumøðrum stigi móti Guernsey.


Føroyski sigurin í smálandakappingini er tí so gott sum í pottinum. Kýprar hava lítið annað enn ein teoretiskan møguleika at fáa Føroyar aftur.

 

 

Hini úrslitini í dag:


Andorra - Monako 3-1
Malta - Luksemburg 1-2
Liktinstein - Jersey 2-2
Kvinnulið - Guernsey 1-3


Í seinasta umfari í morgin leygardagin telva Føroyar og Guernsey. Dysturin byrjar klokkan 15.00. 

 

 

Lýsing
Seinastu tíðindini
Føroya Handverksmeistara­felag : Hvør er…
Er demokratiski radarin sløktur í Tingan…
Unn Sørinardóttir Perdomo tekniskur leið…
Norðoya kvinnu­felag aðalfund
Norđoya Bátafelag opiđ hús
Silly-season (fótbóltsslatur)
MYNDIR: Hesi vunnu á Norðfrá-open 2022
Afturber­ingar­skipan til smærri fyritøkur
ÚSSM útbúging fyri skrivstovu­fólk, samsk…
Føroya fólkahá­skúli komin at vitja
Umstríddi reiðarin, Henning Kjeldsen, ve…
Armenia er tema á Holocaust­deg­num í ár
Neyvan nakað 10-mannafar úr høvuðsstaðnu…
B36 fingið nýggjan verjuleikara
Mentan­arvikan í Runavíkar kommunu
Asfalts­arbeiði hesa vikuna
Daniel Agger hevur keypt Trenskow úr NSÍ
Kringvarp Føroya sýnir TROM
Myndir og video: Seiðatorva í Hvannasund…
Hoyrdist av Kambsdali til Hvannasund