Lýsing
Lýsing

Lok til kaffikopp virði 200 mió. kr.

SKRIVAÐ: Norðlýsið  |  13.01.2022 - 08:22 Tíðindi Vinna

Íverksetarasøgurnar kunnu vera spennandi, og viðhvørt kann ein uppfinning raka júst tað marknaðurin hevur brúk fyri. Tað kann danski Lars Bendix frá Randers sanna, eftir at hann uppfann eitt kaffilok til einnýtisíløt, sum ikki er gjørt burturúr plastikk, men úr træfibur.

Enn hevur Lars Bendix ikki so mikið sum selt eitt kaffilok, men longu nú hevur lokið fingið eitt virði áljóðandi 200 mió. Kr.

Orsøkin er einføld. Marknaðurin skríggjar eftir einum kaffiloki, sum kann brúkast ístaðin fyri vanligu plastikklokini, sum vit vanliga síggja til einnýtisíløt at drekka kaffi úr. Umframt at lokið er umhvørvisvinarligt, so er lokið eisini sniðgjørt soleiðis, at lokið liggur niðri í koppinum, og tískil kann brúkarin drekka beinleiðis av kantinum av koppinum, og ikki úr onkrum tilgjørdum, sum liggur omaná koppinum.

Fyri bert 2 mánaðum síðani, varð lokið virðismett til 65 mió. Kr., men síðani tá, hevur uppfinnarin gjørt tillagingar og betringar, ið møguligir kundar kring heimin hava verið glaðir fyri, og tískil er eftirspurningurin bert øktur. Hetta hevur gjørt, at kaffilokið nú hevur eitt virði áljóðandi 200 mió. Kr., uttan so mikið sum eitt lok er selt enn.

Lars Bendix roknar við, at fyrstu lokini koma á marknaðin í Svøríki í apríl. Harafturat hevur hann lagt seg eftir, at hóast lokið ikki kemur alment á marknaðin í øllum Danmark í apríl, so fer man at kunna keypa tað í Randers, har hann býr og tí heldur tað vera eitt sindur stuttligt at lokið kann keypast í hansara nærumhvørvi.

Íverksetin greiður eisini frá, at alt tað sum hann kann framleiða í ár, er longu avsett til kundar, og tí verður avbjóðingin at økja um framleiðsluna, so útboðið kann gerast størri.

Meiri kann lesast um íverksetan, har eisini eitt lítið filmsbrot er tøk, á leinkjuni niðanfyri:

https://www.tv2ostjylland.dk/randers/kaffelaag-var-65-millioner-vaerd-nu-er-prisen-eksploderet

Lýsing
Seinastu tíðindini
Føroya Handverksmeistara­felag : Hvør er…
Er demokratiski radarin sløktur í Tingan…
Unn Sørinardóttir Perdomo tekniskur leið…
Norðoya kvinnu­felag aðalfund
Norđoya Bátafelag opiđ hús
Silly-season (fótbóltsslatur)
MYNDIR: Hesi vunnu á Norðfrá-open 2022
Afturber­ingar­skipan til smærri fyritøkur
ÚSSM útbúging fyri skrivstovu­fólk, samsk…
Føroya fólkahá­skúli komin at vitja
Umstríddi reiðarin, Henning Kjeldsen, ve…
Armenia er tema á Holocaust­deg­num í ár
Neyvan nakað 10-mannafar úr høvuðsstaðnu…
B36 fingið nýggjan verjuleikara
Mentan­arvikan í Runavíkar kommunu
Asfalts­arbeiði hesa vikuna
Daniel Agger hevur keypt Trenskow úr NSÍ
Kringvarp Føroya sýnir TROM
Myndir og video: Seiðatorva í Hvannasund…
Hoyrdist av Kambsdali til Hvannasund