Strekkini, sum verða asfalterað, eru tvey. Eitt frá Magnstøðini og heim til Bókasavnið tvs. frá suðurendanum á Stangavegnum, Nólsoyar Pálsgøta og partur av Biskupsstøðgøtu.

Arbeiðið verður væntandi liðugt Í komandi viku, hósdagin 3. februar. Tó at tað verður fresað eina mest í niðaru síðu, verður øll vegbreytin løgd av nýggjum við asfalti.

Síðani verður fari norður á norðara helming av Stangavegnum at asflatera.

Hetta arbeiðið skuldi av røttum verið gjørt í fjør, men tá ið tað ikki eydnaðist, varð heitt á H. J. Asfalt um at byrja eitt sindur fyrr í ár, sum teir so eisini hava gjørt – Plaga ikki at byrja fyrr enn nærri mars mánaða.

Meðan arbeiðið verður framt, verður ferðslan leidd við ljósskipan og síðuvegir verða stongdir hesa løtuna.

So um ikki so langa tíð verða hesi vegastrekki hópin betri at koyra eftir.