- “Vit eru so at siga lidnir við at byggja allar básarnar”, sigur Áki, og leggur afturat, at “og framsýnarar eru eisini byrjaðir at koma inn við tilfari at seta upp, so tað sær heilt gott út”. Áki í Skemmuni fegnast um, at teir eru slopnir inn í hallirnar so tíðliga, tí tað hevur havt við sær, at ongin panikkur ella stress er í, og teir hava kunnað tikið tað róligt.

Stóra messan verður ikki einans í KÍ-Høllini og Badmintonhøllini, men eisini uttandura. 12 av framsýnarunum ætlaðu alla tíðina at vera uttandura, men fyriskipararnir hava eisini mugað givið nøkrum av luttakarunum, ið ætlaðu at hava innandurabás, út um. Hetta er vegna plásstrot og tann stóra gravgangin, ið hevur verið eftir at vera við á messuni.

Atlantic Fair vendir sær fyrst og fremst til kundar, eisini framtíðarkundar, hjá framsýnarunum. Hesir eru spentir uppá at síggja bæði verandi og nýggj viðskiftafólk, sigur Áki. Í stóran mun eru framsýnararnir veitarar til sjóvinnuna, og tað, teir sýna fram, er vanliga tað nýggjasta innan sína vinnu og sína fyritøku.

Áki í Skemmuni stendur har inngongdin og innskrivingin av gestum verður.