Lýsing
Lýsing
Lýsing

FM finalistarnir í einmansleiki í badminton funnir

SKRIVAÐ: Jóhann Lützen  |  13.05.2022 - 07:28 Ítrottur Tíðindi

Eftir eina spennandi hálvfinalu í trimum settum vann Bjarnhild í Buð Justinussen úr KBF á Sonnu Thorkildshøj úr HBF, meðan Miriam í Grótinum úr HBF vann sannførandi á Adhya Nandy í tveimum settum. Sostatt verður tað Klaksvíkin ímóti Havnini hjá vaksnu kvinnunum, har Bjarnhild luttekur á fyrsta sinni, meðan Miriam tapti finaluna í einmansleiki í fjør.

 

Innleiðandi umførini í einmansleiki í FM í badminton blivu leikt hóskvøldið, har fyrstu finalistarnir til Kontrast FM finaludagin komandi leygardag blivu funnir. Greitt er longu nú, at tað verður ein nýggjur føroyameistari hjá bæði kvinnum og monnum, tí ongin av finalistunum hevur áður verið føroyameistari. Eisini er greitt, at hjá bæði kvinnum og monnum verður tað ein leikari frá Havnar Badmintonfelag, ið skal kappast ímóti leikara frá ávíkavist Klaksvíkar Badmintonfelag hjá kvinnum og úr Miðvágs Badmintonfelag hjá monnum.

 

Miriam og Bjarnhild í finaluna hjá kvinnum

Eftir eina spennandi hálvfinalu í trimum settum vann Bjarnhild í Buð Justinussen úr KBF á Sonnu Thorkildshøj úr HBF, meðan Miriam í Grótinum úr HBF vann sannførandi á Adhya Nandy í tveimum settum. Sostatt verður tað Klaksvíkin ímóti Havnini hjá vaksnu kvinnunum, har Bjarnhild luttekur á fyrsta sinni, meðan Miriam tapti finaluna í einmansleiki í fjør.

 

Jónas og Árant í finaluna hjá monnum

Jónas Djurhuus úr HBF vann sær tað eina plássi í finaluni við at vinna eina spennandi hálvfinalu í trimum settum á Magnus Dal Christiansen, sum í fjør tapti finaluna ímóti Niklas Eysturoy. Jónas møtir Árant á Mýruni úr MBF, tá hann í hinari hálvfinaluni vann á Rúna Øster. Árant er búsitandi í Danmark, har hann er í lestrarørindum.

 

Dýrabiðidag verða hinir finalistarnir funnir

Í tvímansleiki hjá monnum og kvinnum umframt í blandaðum tvímansleiki verða innleiðandi umførini leikt Dýrabiðidag. Byrjað verður klokkan 13 í Badmintonhøllini í Havn. Øll eru hjartaliga vælkomin sum áskoðarar. Serliga spennandi verður at síggja, hvussu Erland Poulsen og Fai Yin Wong fara at klára seg í kappingini hjá monnum í tvímansleiki. Leikandi venjarin hjá HBF Wong hevur áður verið á Topp 50 ranglistanum í tvímansleiki hjá Badminton World Federation, meðan Erland er garvaður badmintonleikari við royndum frá fleiri oyggjarleikum.

 

Stóri Finaludagurin í Kontrast FM í Hoyvíkshøllini

Leygardagin frá klokkan 10 verða finalurnar í FM í badminton leiktar í Hoyvíkshøllini, har Kringvarp Føroya fer at sjónvarpa beinleiðis frá finalunum í einmansleiki seinnapartin. Finaludagurin er aftur í ár skipaður saman við Judo og Borðtennis, har tey trý sersambondini eisini fyriskipa FM Gallaveitslu leygarkvøldið sum ein endi á FM finaludegnum.

 

Lýsing
Seinastu tíðindini
Nakrir vinnarar frá í dag
Miðnáttarrøðan - Pál Weihe
Løtumyndir frá Norð­oyastevnuni
Jóhanna setti Norð­oyastevnuna
Norð­oyastevnan 2022 sett
Føroyski báturin á UNESCO listan yvir si…
Lands­stevna sløkkiliðsmanna í Klaksvík
Nordhavns Regatta 2022
Barna­róðu­rin á norð­oyastevnu er avlýstur
KÍ skorar kassan uppá lands­dystir­nar kom…
Drúgv skrá við kappróðri í dag
KANNING: Hvat lið vónar tú KÍ møtir í Ch…
Konsert við Crescendo í Christians­kirkju…
Myndarøð: KÍ í lands­liðssteðg við sera g…
Sjúrðarberg siglir heim
Søguhugni á Klaksvíkar Bókasavni
Crescendo á Kósini
Tá hvør smáblóma tárar av gleði – Huglei…
Beistagerðin 2022
Hækkandi inflasjón tyngir brekøkið serli…